Синхрон сузиш. Спортчиларимизнинг тайёргарлиги яна бир бор имтиҳон қилинди + ФОТО

Мамлакатимиз спортчилари орасида биринчи бўлиб мусобақага синхрон сузиш усталари киришадилар. Бугун куннинг иккинчи ярмида синхрон сузиш бўйича бир неча бор Олимпия ўйинлари ҳамда жаҳон чемпионатлари ғолибаси, Ўзбекистон терма жамоаси маслаҳатчи мураббийи Елена Азарова бошчилигида қизларимиз сўнгги тайёргарлик машғулоти ўтказишди.

Мутахассисларнинг сўзларига кўра, терма жамоамиз аъзоларининг жисмоний ва рухий ҳолатлари аъло даражада бўлиб, бўлажак жаҳон чемпионатига ҳам кўтаринки кайфиятда ҳозирлик кўришган.

Жаҳон чемпионатининг дастлаки куни спортчиларимиз икки бор чиқиш қилишади. Эрталабки дастурда Гулсанам Букина (техник соло) баҳсларга киришса, куннинг иккинчи ярмида Зиёда Тошхўжаева ҳамда Диана Онкес жуфтлиги дуэт машқларида ўз маҳоратларини намойиш этишади.

Биз эса спортчиларимизга бўлажак мусобақаларда омад ва зафар тилаймиз.