Сирдарёда спорт секциялари фаолияти қайта йўлга қўйилмоқда

Хабарингиз бор, юртимизга коронавирус пандемияси кириб келиши ва тарқалишининг олдини олиш бўйича Республика махсус комиссиясининг қарорига асосан «яшил» ва «сариқ» ва ҳудудларда спорт секциялари, тўгараклари, спорт заллари ва фитнес клублар фаолиятига рухсат берилган эди.

Жумладан, Сирдарё вилояти жисмоний тарбия ва спорт бошқармаси тасарруфидаги «яшил» тоифадаги ҳудудларда жойлашган спорт таълим муассасаларида спорт секциялари фаолиятини белгиланган талаблар асосида ташкил этиш ишлари бошланди.

Болалар-ўсмирлар спорт мактаблари санитария ва эпидемиология марказининг рухсати асосида ҳамда карантин қоидаларига қатъий амал қилган ҳолда ўз фаолиятини бошлади.

Спорт муассасасига киришда, тана ҳароратини ўлчовчи пирометр воситаси орқали текширувдан ўтгач, машғулотларда қатнашишга рухсат этилмоқда. Шунингдек, кун давомида спорт зали дезинфекция қилиб турилмоқда.