17 окт 08:34
Янгиликлар

Теннис

Six Kings Slam. Янник Синнер Жоковичга имконият қолдирмади

Дунёнинг иккинчи ракеткаси Янник Синнер Саудия Арабистонининг Ар-Риёд шаҳрида ўтказилаётган кўргазмали мақомдаги турнирнинг финалига йўл олди.

Италиялик теннисчи 1/2 финал баҳсида ATP рейтингида бешинчи ўринни эгаллаб турган сербиялик Новак Жоковичга қарши кортга чиқди ва ортиқча қийинчиликсиз номдор рақибини мағлубиятга учратди - 6/4, 6/2.

Кўргазмали мақомдаги турнирлардаги ўзаро учрашувларни инобатга олмаганда, Синнер 6:4 ҳисобида олдинда бормоқда. Олтмиш уч дақиқа давом этган баҳсда Синнер 10, Жокович 2 та эйс зарбасини амалга оширди. Иккала теннисчи ҳам қўшхатога йўл қўймади. Брейклар бўйича устунлик Янник томонида бўлди - 3 га 0.