20 апр 11:27
Янгиликлар

Шахмат

Sky Chess блиц-фестиваль ўтказяпти

Ўзбекистонлик халқаро гроссмейстер Нафиса Мўминова томонидан ташкил этилган Sky Chess шахмат мактаби мусобақа ўтказади.

Анъанавий Sky Chess Open блиц-фестивали 22 апрель куни пойтахтимиздаги “Poytaxt” бизнес марказида бўлиб ўтади. Унда юртимиз шахматчиларидан ташқари хориждан келадиган халқаро гроссмейстерлар ҳам иштирок этади.

Мусобақа швейцарча тизимда 11 турдан иборат бўлади. Турнирнинг соврин жамғармаси 5 000 000 сўмни ташкил қилади. Ҳозиргача мусобақада қатнашиш истагини билдирган шахматчилар сони 100 нафардан ортди.