05 июн 16:11
Янгиликлар

Эшкак эшиш

Слаломда эшкак эшиш. Тошкент денгизида ўқув-машғулот йиғини бошланди

Ўзбекистонлик спортчиларни олдинда кўплаб халқаро нуфузли мусобақалар кутиб турибди.

Слаломда эшкак эшиш бўйича Ўзбекистон терма жамоаси аъзолари бу йил турли халқаро мусобақалар, жумладан Жакартадаги Осиё ўйинлари, шунингдек, Буэнос-Айресда ўтказиладиган ўсмирлар Олимпия ўйинларида иштирок этадилар. 1972 йилда Олимпия ўйинлари дастурига киритилган ушбу экстремал спорт тури муҳим мусобақаларда терма жамоамиз ҳисобига медаллар тақдим этиши кутилмоқда.

Мусобақаларга тайёргарлик жараёнлари белгиланган режа ва халқаро меъёрлар доирасида амалга оширилмоқда.

Мураббийлар Шохрухмирзо Шамсибоев ва Ойбек Турғуновлар бошчилигидаги ўқув-машғулот йиғинларида Тошкент, Наманган ва Самарқанд вилоятларидан танлаб олинган 18 нафар ёш спортчи иштирок этмоқда. Тошкент денгизи базасидаги ўқув-машғулот йиғинлари 27 июнга қадар давом этади.