22 сен 13:26
Янгиликлар

Теннис

Слоан Стивенснинг Страсбургда старти

Франциянинг Страсбург шаҳрида теннис бўйича WTA турнири давом этмоқда.

Сайёрамизнинг 33-ракеткаси бўлиб турган америкалик Слоан Стивенс Internationaux De Strasbourg турнирининг илк даврасида кутилмаганда рейтингнинг 83-поғонасидан жой олиб турган япониялик Нао Хибинога имкониятни бой бериб қўйди - 2/6, 6/3, 1/6.

Учрашув 1 соату 45 дақиқа давом этган. Ҳар икки теннисчи ҳам 2 тадан эйс зарбасини амалга оширишган. Бу уларнинг илк расмий учрашуви эди. Хибино иккинчи даврада қозоғистонлик Зарина Диясга қарши кортга чиқади. Зарина ўз ўрнида Кристина МакХэйлдан устун келди - 6/7(4), 7/5, 7/6(3).