UFC on ESPN 73 турнирининг бонус соҳиблари маълум

Стивен Асплунд ва Шон Шараф ўртасидаги тўқнашув UFC on ESPN 73 турнирининг энг яхши жанги деб топилди. Дунёнинг энг кучли лигасида дебют қилган Асплунд иккинчи раундда рақибини техник нокаутга учратди. Жангда нокаут қайд этилган бўлса ҳам, у бир томоннинг устунлигида ўтмади. Иккинчи раундда Шараф устунликка эришди, лекин якунда барибир Асплунд ғалабага эриша олди.

Оқшомнинг қолган икки бонуси Манель Капе ва Кевин Вальехосга насиб этди. Капе турнирнинг асосий жангида рейтингнинг иккинчи поғонасида бораётган Брэндон Ройвелни биринчи раунддаёқ мағлубиятга учратди. Кевин эса co-main event жангида грузиялик Гига Чикадзени нокаут эвазига мағлуб этди. 

Асплунд, Шараф ва Вальехос фаолиятларида илк бор 50 000 долларлик бонусга эга чиқишди. Капе эса UFC промоушенида учинчи маротаба қўшимча мукофот пулига лойиқ кўрилди.