"Снежные Барсы"га қарши иккинчи ўйиндан сўнг "Ҳумо"нинг турнир жадвалидаги ўрни қандай?

Хабар бериб ўтганимиздек, Тошкентнинг "Ҳумо" жамоаси йигирма иккинчи тур доирасида "Снежные Барсы"га қарши иккинчи ўйинини ўтказди. Учрашув 5:0 ҳисобида хоккейчиларимиз фойдасига якунланди ва кутилганидек "қанотлилар" қозоқларга ҳеч қандай имкон қолдирмади. 

22 та ўйиндан сўнг "Ҳумо" ҳозирда турнир жадвалида 4-ўринни эгаллаб турибди. "Снежные Барсы" эса сўнгги 12-ўринни банд этган. Тошкентликлар ҳисобида 30 очко, рақиб ҳисобида эса 2 очко мавжуд. "Ҳумо" навбатдаги учрашувда ғалаба қозонса, учинчи ўринга кўтарилиб олиши мумкин.