Снукер юлдузи: Федерер, Надаль ва Жокович бўлмаганида теннис кўришни йиғиштириб қўярдим!

Ронни швейцариялик теннис афсонаси Рожер Федерерни гольф қироли Тайгер Вудс билан бир поғонага қўйди.

“Барқарорлик - муваффақият калити! Фаолиятим давомида деярли барча ютуқларни қўлга киритдим. Инсон ўз фаолиятини қандай кечганига баҳо бериши учун уни бошқаларники билан таққослаб кўриши лозим. 

Мен Рожер Федерер ва Тайгер Вудсни кузатиб бораман. Теннис ва гольф афсоналари фаолиятларини давом эттиришяпти. Улар бир мавсумда тўртта “Катта Дубулға” турнирларида иштирок этишади, мен эса учта. Лекин бошқа томондан гап математикада эмас. Агар Федерер, Надаль ва Жокович бўлмаганида, мен теннис томоша қилишни аллақачон йиғиштириб қўйган бўлар эдим. Бу худди Мессисиз футбол, Вудсиз гольф дегандек гап”, - дея О'Салливаннинг сўзларини келтирмоқда Tennis World USA.