Собиқ чемпион Загитова ҳақида: "Уни бокс қўлқопларида кўришни тасаввур қила олмайман"

"Тўғрисини айтсам бу мени қизиқтирмайди. Алина ёқимтой, гўзал ва шу билан бирга ажойиб спортчи. У фигурали учиш билан шуғилланади. Бу нафис спорт тури. Уни бокс қўлқопларида кўришни тасаввур қила олмайман. Менга бу қизиқ эмас ва Алинага бироз ачинаман. Чунки қизларнинг жанг қилишини ёқтирмайман.

Агар машҳур эркак спортчилар рингга чиқса, буни ижобий қабул қилган бўлардим. Масалан, футболчилар, хоккейчилар ёки чанғи учувчилар бокс қўлқопини кийса, бу ҳақиқатдан ҳам қизиқарли бўлади. Шу билан бирга бокс мухлисларининг кўпайишига ҳам хизмат қиларди. Қизлар эса бу иш билан шуғулланиши, бутунлай бошқа нарса.

Бу аёллар боксига тааллуқли эмас. Аёллар боксига нейтрал қарайман. Аммо, боксчи қизлар орасида жуда яхши жанг қиладигарлари ҳам бор. Улар спортчилар ва бу йўлни ўзлари танлаган. Уларнинг кўргазмали жангларга ҳеч қандай алоқаси йўқ", – деди Дрозд.