Собиқ ҳамюртимиз Олег Маскаев 46 ёшли Пакьяонинг бугунги жанги ҳақида гапирди

— Баракалла, Пакьяо. Менимча, у бу жангда ғалаба қозонди. Унга нима учун ғалаба берилмаганини тушуна олмадим. Лекин мухлислар ҳаммасини кўришди ва уларнинг фикри энг асосийси. 46 ёшига қарамай, барча афсонанинг бугунги жисмоний ҳолатига гувоҳ бўлди. У ўзидан 16 ёшга кичик амалдаги чемпионга қарши рингга чиқди ва бу билан жиддий таваккал қилди. Жангни томоша қилиш асносида Барриос Мэннига қараганда кўпроқ таваккал қилгандек туюлди. Яна бир бор ажойиб жанг билан Пакьяони табриклайман. 

— Пакьяонинг Барриос билан реванш жангини кўришни хоҳлайсизми?

— Йўқ демасдим. Аммо реванш жангида ҳам кўп нарса ўзгармаса керак. Агар йил охиригача ташкил этилса устунлик аниқ филиппинлик томонида бўлишига ишончим комил. Барриос 12 раунд давомида муваффақият калитларини топа олмади. Бундан кейин ҳам топа олмаса керак. Гап шундаки, ҳакамларнинг бундай адолатсиз қароридан кейин Мэнни Пакьяонинг ўзи реваншга рози бўлармикан?