14 июн 08:54
Янгиликлар

Бокс/ММА

Собиқ жаҳон чемпиони Александр Поветкин фаолиятини якунлади

Супероғир вазн тоифасида WBA ва WBC йўналишлари собиқ вақтинчалик чемпиони Александр Поветкин фаолиятини якунлаганини эълон қилди.

"Йиллар ўзиникини олади. Бир қарорга келдим. Профессионал спортчилик фаолиятим якунланди", — дея қарорига изоҳ берди Поветкин.

Коронавирусга чалинганидан сўнг боксчининг соғлиғи билан боғлиқ муаммолар пайдо бўлганди. Поветкин ҳолатига қараб бир қарорга келишини айтиб келаётган эди. Ниҳоят, кеча у қўлқопларини михга илганини эълон қилди.

Маълумот учун, 41 ёшли Александр Поветкин ҳаваскорлар ўртасида Олимпиада чемпиони, жаҳон чемпиони, икка карра Европа чемпиони, "Яхши ният" ўйинлари ғолиби, Профессион боксда вақтинчалик WBC (2020—2021), Мунтазам WBA (2011—2013), WBC Silver (2014—2016), WBO International (2017—2018) ҳамда WBA Inter-Continental (2017—2018) чемпионлик камарлари соҳиби бўлган.