15 авг 11:05
Янгиликлар

Бокс/ММА

Собиқ жаҳон чемпиони Энди Руис қайтмоқда, унинг рақиби маълум

Супероғир вазн тоифасида собиқ WBA Super, WBO, IBF ва IBO йўналишлари чемпиони Энди Руис танаффусдан сўнг яна рингга қайтмоқда.

Руис навбатдаги жангини чемпионлик камари учун собиқ даъвогар Крис Арреолага қарши ўтказади. Энди сўнгги бор 2019 йилнинг декабрь ойида жанг ўтказган эди. Ўшанда у реванш жангида Энтони Жошуага имкониятни бой бериб, чемпионлик камарларини ўз эгасига қайтарганди.

Маълумот учун, 39 ёшли Арреола ўтган йилнинг август ойида Адам Ковнацкига ютқазиб қўйганди. Крис фаолияти давомида Виталий Кличко, Деонтей Уайлдер сингари кучли боксчиларга қарши рингга кўтарилган. Ҳозирда Энди Руис янги мураббий Эдди Рейносо қўл остида машғулот ўтказяпти. Бу мутахассис Сауль Альвареснинг ҳам мураббийи ҳисобланади.