14 окт 16:49
Янгиликлар

Бокс/ММА

Собиқ UFC жангчиси Жалгас Жумагуловнинг навбатдаги жанги санаси ва рақиби маълум

Ўта енгил вазн тоифасида қозоғистонлик собиқ UFC жангчиси Жалгас Жумагулов (14-9-0) навбатдаги жанги тафсилотларини маълум қилди.

35 ёшли қозоқ жангчиси "РБ Спорт" нашри билан суҳбатда 2 декабрь куни Қозоғистоннинг Naiza FC лигасида октагонга кўтарилишини айтган. Унга ўша куни бразилиялик Яго Рибейро (12-3-0) рақиблик қилади.

Бу Жалгаснинг UFC'дан кетганидан кейин ўтказадиган илк жанги бўлади. Жумагулов Naiza'ни танлаганига сабаб сифатида, қозоқ ММАсининг ўз ватанида ривожланиши учун ҳиссасини қўшиш эканини айтган.

Эслатиб ўтамиз, Жалгас Жумагулов UFC'даги сўнгги жангини июнь ойида Жошуа Ванга қарши ўтказиб, очколар ҳисобига кўра мағлуб бўлган эди. У сўнгги тўртта жангида ғалаба нима эканини билмай келмоқда.