Социализмга қарши жангчилар. “UFC'да Дональд Трампнинг икки мухлиси жанг қилади — Масвидаль - Ковингтон

Январь ойи ўзининг янгиликлари билан ҳаммани ҳайратлантиришда давом этмоқда. Оғир ва енгил вазн юлдузлари аллақачон ўз рақиблари билан келишувга эришди. Энди навбат ярим ўрта вазн эгаларига. Колби Ковингтон ва Хорхе Масвидаль 5 март Лас Вегасда бўлиб ўтадиган UFC 272 турнирида ўзаро жанг қилади. 33 ёшли Колби ва 37 ёшли Хорхе ўртасида адоват хеч кимга сир эмас. Жанг учун бундан бошқа яна қандай қизиқарли боғлиқлик бўлиши мумкин? Икки америкалик жангчи уч маротаба жанг қилишга уринишган, аммо барча жанглар бекор қилинган. Умид қиламизки, тўртинчи уринишда жангчилар, албатта, октагонга кўтарилишади.

Хорхе ва Колби шафқатсиз кўринишсада, тўғри маънода АҚШ собиқ президентининг қўлларини ўпишга тайёр

Бир неча йил олдин Колби ва Хорхе "Аmеricаn ТоpТеаm" жамоасида бирга шуғулланишарди ва машғулотда бўлганидек ҳаётда ҳам яқин дўст эдилар. Лекин кейинчалик уларнинг орасидан "қора мушук" ўтади. Ўша вақтдан сўнг эски дўстлар доимий равишда ижтимоий тармоқда хам ўзаро жанг қилиб келишади.

Лекин бугунги кунгача уларни нимадир бирлаштириб турмоқда. Уларнинг иккиси ҳам АҚШнинг собиқ президенти Дональд Трамп билан яқин муносабатда. Масвидаль ва Ковингтон сўнгги сайловда, ҳатто кекса сиёсатчининг штаб-квартирасида бўлиб, "Социализмга қарши жангчилар" махсус дастурида қатнашган.

Ким кучлироқ? 

Албатта, бу саволга жавоб бериш қийин. Иккала жангчи ҳам сўнги бор Камару Усман билан тўқнаш келган ва чемпионга мағлуб бўлишган.

Масвидалнинг устун тарафи "стойка"да, аммо у курашда заиф. Ковингтонда аксинча, унинг Усман билан кечган жанги шуни кўрсатдики, Колби "стойка"да ҳам анча жиддий рақиб. Шунинг учун кўрсаткичлар борасида Ковингтон бироз устундек кўринмоқда. Нима бўлганда ҳам, бизни 5 март Лас Вегасда шахсий адоватга эга жангчилар тўқнашуви кутмоқда.

Камрон Ҳасанов тайёрлади