11 янв 07:24
Янгиликлар

Тадбирлар

Соғлом ишчининг меҳнат унумдорлиги ошади

Ўзбекистон Республикаси Президентининг «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармонида кўрсатилган вазифалар ҳаётга босқичма-босқич татбиқ этилмоқда.

Хусусан, Фармонда меҳнат жамоаларида фаолият юритаётган раҳбар ва ходимларнинг жисмоний тарбия ва спорт машғулотлари билан иш вақтидан сўнг, ҳафтада камида бир маротаба югуриш, стритбол, футбол, бадминтон, волейбол, баскетбол, стол тенниси, сузиш ва бошқа спорт турлари билан шуғулланиши лозимлиги кўрсатиб ўтилган.

Тошкент шаҳар Учтепа туманида ҳам бу борада тизимли ишлар йўлга қўйилган бўлиб, куни кеча туман ҳокимлигида фаолият юритаётган ходимлар ўртасида бадантарбия машқлари ҳамда спортнинг бир нечта турлари бўйича мусобақалар ташкил этилди.

Бу бежиз эмас, зеро спорт билан мунтазам шуғулланиб келадиган, соғлом ишчининг меҳнат самарадорлиги ҳам юқори бўлади.