Сондерс Канело ва Головкин сабаб Matchroom Boxing билан шартнома имзолади

Шу муносабат билан махсус матбуот анжумани ташкил этилди. Сондерс собиқ промоутери Фрэнк Уоррен билан ҳамкорликни тўхтатиб, Хирн билан келишувга эришди. 

Британиялик жаҳон чемпиони бу қарорини DAZN платформаси билан ҳамкорликка эга бўлиш ҳамда Геннадий Головкин ва Сауль “Канело” Альваресга қарши жангларда рингга чиқиш истагида эканлиги билан изоҳлади. 

Режа бўйича Сондерснинг янги промоутерлик компанияси билан ҳамкорликдаги илк жанги октябрь ёки ноябрь ойида бўлиб ўтади.