Сондерс Канелога қарши жангда аутсайдер эканлиги ҳақида гапирди

Супер ўрта вазн тоифасида WBO чемпиони Билли Жо Сондерс (30-0, 14 КО) WBA ва WBC титуллари соҳиби Саул Альваресга (55-1-2, 37 КО) қарши жанг ҳақида ўз тахминлари билан ўртоқлашди.

Британияликнинг сўзларига кўра, у ғалаба қозониш учун жангга энг яхши формада ёндошмоқчи.

«Бўлажак тўқнашув мускуллар кучи ёки маҳорат ҳақида эмас, балки ақлли жанг тактикаси билан боғлиқ. Менинг жангга ўз ёндошувим бор, Канелода ҳам ўзига хос услуб бор. Мен энг яхши формада бўлишни, уни назорат қилишни хоҳлайман».

Сондерснинг таъкидлашича, у иккинчи рақамли эканлигига аҳамият бермайди.

«Илгари у жойда бўлганман, аммо ҳозир мен кучлироқ рақиб биланман. Агар у ерга бориб ғалаба қозонсам, қочиб кетмайман. Мен у билан яна жанг қиламан, исталган жойда ва бу мени безовта қилмайди. Баъзида аутсайдерларнинг мақсадга етиши - бокс учун яхши бўлади», - дея Сондерснинг сўзларини келтиради Bad Left Hook.

Эслатиб ўтамиз, 9 май санасига белгиланган Альварес - Сондерс жанги супер ўрта вазн тоифасидаги WBA, WBC ва WBO камарларини бирлаштирувчи кураш бўлади.