20 июн 10:36
Янгиликлар

Спорт курашлари, Кураш

Спорт курашлари. Ўзбекистон чемпионларидан мастер-класс

Ўзбекистон Миллий олимпия қўмитаси турли спорт федерациялари билан биргаликда аҳолини спортга қизиқтириш, оммалаштириш ва янада ривожлантириш йўлида турли тадбирларни ташкил этиб келмоқда.

Ана шундай тадбирларнинг навбатдагиси Ўзбекистон спорт курашлари ассоциацияси билан ҳамкорликда ташкил қилинди. Сурхондарё вилояти Жарқўрғон туманидаги 5-сонли «Қалдирғоч» мактабгача таълим муассасасида ўтказилган тадбирда спорт курашлари бўйича Осиё чемпионати ва халқаро мусобақалар совриндорлари, Ўзбекистон чемпионлари иштирок этишди.

Улар болажонларга ўз маҳоратларини намойиш этиш билан биргаликда, жажжи спортчиларнинг қизиқтирган саволларига жавоб беришди. Миллий олимпия қўмитаси ёшларни спортга қизиқтиришни энг қуйи бўғиндан бошлаган. Айнан, мана шундай тадбирлар орқали ёш авлодда спортга бўлган қизиқиш уйғониши шубҳасиз.