Спорт соҳасида 2020 йил якунлари ва 2021 йил учун истиқболли режалар муҳокама қилинди

Йиғилиш аввалида Тошкент вилояти ҳокимининг Туризм ва спорт масалалари бўйича ўринбосари Сайфиддин Низомов сўзга чиқиб, ҳокимлик ва спорт бўлимларини алоқасини қай тарзда тўғри йўлга қўйиш ҳамда 2021 йилда қилинадиган ишлар, жумладан, вилоятнинг барча ҳудудларидаги Жисмоний тарбия ва спорт бўлимларига қўйиладиган талаблар ва ишлар қай йўсинда амалга оширилиши ҳақида тўхталиб ўтди.

Шундан сўнг, вилоят Жисмоний тарбия ва спорт бошқармаси бошлиғи Комил Адилов сўзга чиқиб, Тошкент вилоятида 2020 йил мобайнида Жисмоний тарбия ва спорт соҳасида амалга оширилган ютуқ ва камчиликлар ҳақида гапириб ўтди.

Шунингдек, бошқарма бошлиғи К.Адилов келгуси 2021 йилда вилоятда спортни янада оммалаштириш йўлида кўпроқ иш олиб бориш кераклиги, эришилган ютуқлар билан чегараланиб қолмасдан, ҳар бир йўналишда камчиликларни имкон борича бартараф қилиш зарурлиги, вилоятнинг барча спорт раҳбарлари бирдамликда ҳаракат қилиш кераклиги, келажак ўсиб келаётган ёшларга хар томонлама ўрнак бўлиш зарурлиги ҳақида таъкидлаб ўтди.

Йиғилишда сўзга чиққан бошқарма бошлиғи ўринбосари Жамолиддин Саъдуллахўжаев йил давомида қилинган ишлар, ўтказилган тадбирлар айниқса карантин даврида аҳоли, хусусан, ёшларнинг бўш вақтини мазмунли ўтказиш мақсадида ташкил этилган онлайн спорт мусобақалари, карантин қоидаларига қатъий риоя қилган ҳолда «яшил» ҳудудларда спортнинг 42 та тури бўйича спорт тадбирлари ҳамда бадантарбия машғулотлари ўтказилганлиги ва спорт тарғиботи бўйича вилоятнинг Республикада энг яхши учликда қайд этилганлигини таъкидлади.

Йиғилишда шунингдек бўлим бошлиқлари, бухгалтерия ва бошқарманинг бошқа ходимларининг йиллик ҳисоботлари тингланди.

Якунда Тошкент вилоятида спорт соҳасида ўзини яхши томонлама кўрсатган спорт бўлимлари, болалар-ўсмирлар спорт мактаблари, вилоят федерациялари ходимларига Жисмоний тарбия ва спорт бошқармасининг махсус совғалари топширилди.