Спорт тиббиёти мутахассиси Ямалнинг қайтиши учун эҳтимолий муддатни эълон қилди

"Ламин Ямалнинг жароҳати қайталаниш хавфи 30% ни ташкил қилади, шунинг учун тикланиш муддати борасида жуда эҳтиёт бўлиш керак. Агар жароҳат мушак қисмида жойлашган бўлса, олдиндан айтиш қулайроқ бўлади. Бироқ, агар у мушак пайга бирикадиган жойда ёки пайнинг ўзида жойлашган бўлса, у жиддийроқ бўлиши мумкин, камида тўрт-олти ҳафта майдонга тушмаслиги керак. Қайталаниш хавфини ҳисобга олган ҳолда, унинг Жаҳон чемпионати таркибида бўлиши қийин кўринади. Жуда эҳтиёт бўлиш керак", - дея мутахассиснинг сўзларини келтиради Sadena Ser.

Ламин 33-турда "Сельта"га қарши ўйинда (1:0) жароҳат олган. Кеча каталонияликлар матбуот хизмати Ямалнинг жароҳати туфайли мавсумнинг қолган қисмини ўтказиб юборишини маълум қилганди.