Спорт ва туризм. Қашқадарёлик ёш футболчилар Самарқанддаги тарихий обидаларни зиёрат қилишди

Бу борада болалар ва ўсмирлар ўртасида ҳам  қизиқишларини орттиришдан мақсад -  бой маданий меросимизни ўрганиши, ўтмиш тарихимизни билиши  уларнинг ватанпарварлик руҳида тарбиялашга хизмат қилади.

Ушбу жараёнларда кейинги йилларда спорт жамоатчилигининг  ҳам фаоллигини кўриш мумкин. Жумладан, яқинда Қашқадарё вилоят футбол маҳорати мактабининг 2004 йилда туғилган спортчи-ўқувчилари  Самарқанд шаҳридаги маданий меросмиз бўлган қадимий обидалар, бой тарихга эга диққатга сазовор жойларига саёҳат уюштиришди. Ёш футболчилар дастлаб биринчи Президентимиз Ислом Каримовнинг қабирини зиёрат қилишиб, унинг хотирасига ҳурмат бажо келтиришдан бошлашди.

Шундан сўнг ўқувчилар халқимиз томонидан асрлар давомида эъзозланиб келинаётган археологик ёдгорликлар ва меъморий обидалар билан танишишди. Ўзининг бой тарихи ва маданий меросига эга бўлган Самарқанд шаҳрига қилинган саёҳат қашқадараёлик ёш футболчиларнинг хотирасида муҳрлангани айни ҳақиқат.

Илҳом РАҲМОНОВ тайёрлади