Спорт вазири Ўзбекистонда қанча курашчи борлигини очиқлади

Анжуманда Ўзбекистон Республикаси сспорт вазири, Халқаро Кураш ассоциацияси биринчи вице-президенти Адҳам Икрамов иштирок этди.

- Биз Беш ташаббус олимпиядасига курашни ҳам киритганимизда, очиғи иштирокчилар кам бўлишидан ҳавотир олгандик. Лекин мусобақалар давомида шуни кўрдик-ки, унда 280 мингдан ошиқ курашчилар иштирок этишди.

Бу ҳаммаси ҳаваскор спортчилар. Чунки Беш ташаббус олипиядаси оммавий спортни тарғиб қилувчи бутун мамлакат бўйлаб ўтказиладиган мусобақа. Унда профессионал спортчилар иштирок этмайди. Мамлакатимизнинг чекка-чекка ҳудудларидан 300 минга яқин курашчи ғолиблик учун гиламга чиқди.

Яна бир мисолни айтиб ўтмоқчиман. Ўтган йили Хитойда бўлиб ўтган Осиё ўйинларида ўзбекистонлик курашчилар 4 та олтин 1 та кумуш ва 1 та бронза медали билан умумжамоа ҳисобида биринчи ўринни қўлга киритишганди. Бу давлатимиз медаллар жамланмасидаги энг катта улушдир.

Ўзбекистон ҳукумати шахсан Президентимиз Шавкат Мирзиёевнинг қўллаб-қувватлаши билан Курашнинг янги даври бошланган.

Халқаро Кураш ассоциацияси томонидан жуда кўплаб мусобақалар, тадбирлар ва семинарлар ўтказиб келинмоқда. Курашни оммалаштириш янада ривожлантириш йўлида аниқ мақсадлар ва режаларимиз билан ҳаракат қилмоқдамиз.