Спорт вазири ва МОҚ раҳбарияти Париж шаҳрида Олимпиадада муносиб иштирок этиш масалаларини муҳокама қилди (ФОТО)

Ўрганиш давомида спортчиларимизга ушбу манзилда яратилган шарт-шароитлар кўриб чиқилди. 

Олимпия ўйинларида иштирок этадиган спортчиларимиз билан ҳам самимий мулоқот ўтказилди.  Таъкидлаш лозимки, спортчиларимиз мусобақаларга юқори кайфият ва аъло даражада тайёргарлик кўришмоқда. 

Футболчиларимиз билан учрашув давомида мутасаддилар Испания жамоаси билан бўладиган баҳсда уларга омад ва зафарлар тилашди. 

Шу билан бирга, спортчиларимизнинг овқатланиш, тиббий хизмат ва ётоқхоналари ҳам кўриб чиқилди. 

Штаб вакиллари билан ўтказилган мулоқотда режалаштирилган вазифаларни ўз вақтида ва сифатли амалга ошириш, юқори кайфиятда барча спортчиларимизни қўллаб қувватлаш бўйича тавсиялар берилди.

Шунингдек, мутасаддилар томонидан халқаро спорт вакиллари билан ҳам учрашувлар ташкил этилди.