Спортчилар уй шароитида машғулотларга зўр беришмоқда + ФОТО

Жумладан, вилоят бошқармаси тасарруфидаги спортнинг яккакураш турлари бўйича ихтисослаштирилган болалар-ўсмирлар спорт мактаби тарбияланувчилари ҳам уй шароитида масофадан туриб тренерлари кўрсатмаларига амал қилган ҳолда машғулотларда иштирок этишмоқда. 

Айтиш керак, ушбу спортнинг яккакураш турлари бўйича ихтисослаштирилган болалар-ўсмирлар спорт мактаби шуғулланувчиларининг кўпчилиги миллий терма жамолар сафида юртимиз шарафини ҳимоя қилишади. 

Мазкур спорт мактабида бокс, дзюдо, оғир атлетика, эркин кураш, юнон-рум кураши, каратэ, таэквондо (ВТФ), кураш, қўл жанги, велоспорт, ўқ отиш, от спорти турлари мавжуд бўлиб, 700 нафардан ортиқ спортчилар 50 нафар тажрибали мураббийлар қўл остида маҳоратларини ошириб боришади.  

Биргина яқин икки йил ичида халқаро турнир ва мусобақаларда қўлга киритилган натижалари таҳсинга лойиқ. Спорт мактаби директори Раҳматилла Каратаевнинг таъкидлашича, медаллар шодаси эндиликда ошса ошадики, кўрсатгичлар асло пасайиб кетмайди.

Улкан мақсадалари сари одимлаётган спорт мактаби ёшлари карантин сабаб уйда. Бироқ машғулотлар режага кўра масофа орқали давом эттирилмоқда. 

Қуйида юксак марраларни кўзлаган спортчиларнинг уйда туриб тренерлари кўрсатмаларига амал қилаётган пайтдаги суратлари акс этган жараёнлар билан танишишингиз мумкин.

Илҳом РАҲМОНОВ тайёрлади, ўз мухбиримиз