UZ

Сўнгги янгиликлар

20:29Погба "Реал" сабаб МЮга бойкот қилмоқчи 0 20:02Донна Векич Ноттингемда финалга чиқди 0 19:52Ўзбек спортида ўзгаришлар давом этади: Рио Олимпиадасининг "фронт ортидаги" қаҳрамонларидан бири катта спортга қайтмоқда 0 19:31Ўзбекистон таэквондо WTF ассоциацияси раҳбариятида ўзгариш бўлади 0 19:13Де Лигт фаолиятини ПСЖда давом эттиради 0 18:52"Ролан Гаррос-2019". Мафтункор теннисчилар ва уларнинг ажойиб либослари + ФОТО 0 18:26Белбоғли кураш. Ғиждувонда мамлакат чемпионати старт олди 0 17:58Бугунги мағлубиятдан сўнг Чел Соннен фаолиятини якунлади 0 17:36Равшан Эрматов ишни бошлади: бугун ЎФАда терма жамоалар мураббийлари билан учрашув ўтказилди 0 17:19UFC. Жонс Уайдманга қарши жанг қилишга тайёр 0 16:46Купер Ирина Шейк билан хайрлашди 2 16:25Ўзбекистонлик жаҳон чемпионлари 50 миллион сўм пул мукофоти билан тақдирланди + ФОТО 0 16:03"Ливерпуль" Муҳаммад Салоҳни сотиб юбориши мумкин. Нима учун? 0 15:42"Ролан Гаррос"да Надаль шарафига ҳайкал қўйилади 0 15:18Порье Хабиб билан жанг ҳақида: "Бу чемпионлар устидан қозонган кетма-кет бешинчи ғалабам бўлади" 0

22 май 14:18
Янгиликлар

Болалар спорти

Спортга ошно Шаҳрисабз ёшлари

Жисмоний тарбия ва спортга бўлган оммавийликни таъминлашда, ёшларни бўш вақтларини мазмунли ва фойдали ўтишида, қолаверса, истеъдодлар камол топишида болалар-ўсмирлар спорт мактабларининг ўрни таҳсинга лойиқ.

Қашқадарё вилоят жисмоний тарбия ва спорт бошқармаси тасарруфидаги Шаҳрисабз шаҳар болалар-ўсмирлар спорт мактабида ҳам 620 нафар ўғил-қизлар спортнинг эркин кураш, спорт гимнастикаси, таэквондо (WTF), каратэ (WKF), дзюдо, бадминтон, ушу, самбо, кураш  турлари бўйича Акбар Зокиров (енгил атлетика, Номоз Назаров (кураш), Илҳом Муродов (кураш), Шерназар Даминов (самбо), Чарос Абдуллаева (таэквондо), Нурбек Арслонов (таэквондо) каби 16 нафар нафар малакали мураббийлар қўл остида машғулотларга зўр беришган.

Юқорида таъкидлаганимиздек, аввало  ушуб спорт мактабидаги болаларнинг бўш вақти мазмунли ўтмоқда, қолаверса, улар орасидан чемпионликка даъвогар иқтидорли спортчи-ўқувчилар сараланмоқда. Спорт мактабида яратилган қулай шарт-шароитлардан унумли фойдаланган тарбияланувчилар томонидан биргина ўтган йилнинг ўзида қўлга киритилган юқори натижалардан кўринадики, иродали, истеъдодли ўқувчилар кўпчиликни ташкил этади. 

Мисол учун, ўтган йилниг ўзида 70 нафар БЎСМ тарбияланувчилари вилоят  беллашувларида кучли учликдан жой олишга мувоффақ бўлишган. Курашда икки нафар, боксдан бир, каратэдан уч, самбодан етти, ушудан ўн нафар спортчи-болалар Ўзбекистон чемпионати ва кубок беллашувларида шоҳсупадан жой олишга эришишган.

Кураш спорт тури бўйича мураббий Илҳом Муродовнинг шогирдларидан Камолиддин Расулов Туркманистоннинг Ашхобод шаҳри мезбонлик қилган ёпиқ иншоотлардаги Осиё ўйинларида терма жамоа таркибиди иштирок этиб, фахрли биринчи ўринни қўлга киритган ва олтин медалга сазовор бўлган. 

Ўша йили декабрь ойида Туркиянинг Истанбул шаҳрида кураш бўича жаҳон чемпионатида ҳам барча рақибларини енгиб, олтин медални нақд қилган. 2018 йил декабрь ойида дзюдо бўйича ўтказилган Ўзбекистон кубоги мусобақасида биринчи ўринни эгаллаган. 

2019 йилнинг биринчи чораги давомида ҳам бир қатор юқори натижалар қайд этилганига гувоҳ бўлиш мумкин. Ўзбекистон чемпионатларида енгил атлетика бўйича  уч нафар спортчи олтин, тўрт нафари кумуш, бир нафари бронза медалларини қўлга киритган. 

Самбочилар эса, битта олтин, учта бронзага эгалик қилишган. Вилоят мусобақаларида саккизта олтин, саккизта кумуш ва ўн еттита бронза медалларини жамғаришга эришган.   БЎСМда мавжуд спорт турларидан  режага мувофиқ очиқ биринчиликларнинг ташкил этилиши, ўғил-қизлар учун амалий жиҳатдан синов майдонига айлаётгани бор гап.

Хуллас, натижаларни янаям давом эттириш мумкин. Лекин асосийси, болаларнинг жисмоний тарбия ва спортга бефарқ эмаслигида, спортга ошно бўлиб, ўзида бўлан қобилиятларини машғулотлар орқали юзага чиқараётганида ва  ҳали ўсмирлигидаёқ, балоғат остонасига етиб, етмай ЮРТни улуғлашга интилаётганида.

Спорт мактабида режага мувофиқ, Ўзбекистон Республикаси Президентининг 2017 йил 9 мартдаги ПҚ-2821- сонли “Ўзбекистон спортчиларини 2020 йил Токио шаҳри (Япония)да бўлиб ўтадиган ХХХII ёзги Олимпия ва ХVI  Паралимпия ўйинларига тайёргарлик кўриш тўғрисида”ги Қарори ижросини таъминлаш мақсадида спорчи-ўқувчиларимиз тайёргарлигини янада яхшилаш, керакли шарт-шароитларни яратиб беришга қаратилган устувор вазифалар аниқ белгилаб олинган. Спортчиларни жисмоний тайёргарлигини ошириш мақсадида ўқув-йиғин машғулотлари ташкил этилмоқда.

Шунингдек, Ўзбекистон Республикаси Президентининг 2017 йил 3 июндаги ПҚ-3031-сонли “Жисмоний тарбия ва оммавий спортни янада ривожлантириш чора-тадбирлари тўғрисида”ги Қарори, 2018 йил 18 декабрдаги “Юқумли бўлмаган касалликлар профилактикаси, соғлом турмуш тарзини қўллаб-қўвватлаш ва аҳолининг жисмоний фаоллиги даражасини ошириш чора-тадбирлари тўғрисидаги ПҚ-4063-сонли Қарори ижроларини таъминаш юзасидан ҳам бир спорт мактабининг барча ишчи-ходимлари, мураббийлари ва тарбияланувчилари иштирокидаги оммавий бадантарбия машғулотларини ташкил этиш ҳар кунги одат тусини олди. 

Президентимизмиз томонидан илгари сурилган ёшлар маънавиятини юксалтириш ва уларнинг бўш вақтини мазмунли ташкил этиш бўйича бешта муҳим ташаббусни БЎСМ ўғил-қизлари орасида тарғибот-ташкивот қилиш, айниқса, бешта ташаббусда кўзда тутилган вазифалар бўйича БЎСМ мутасаддилари томонидан алоҳида аҳамият қаратилмоқда. 

Ҳусан ЮСУПОВ, Шаҳрисабз шаҳар болалар-ўсмирлар спорт мактаби директори: 

- Жисмоний тарбия ва спортни, хусусан болалар спортини ривожлантириш асосий вазифамиз саналади. БЎСМда мавжу спорт турлари бўйича машғулотларга зўр берган ўғил-қизларимиз орасида истеъдодли, метин иродали спортчилар кўпчиликни ташкил этади. Мақсадимиз, селекция ишлари орқали янаям истеъдодли ёшларни жалб этиб, уларнинг маҳоратларини ошириб бориш ва катта спорт сари йўналтириш, мамлакат терма жамоаларига муносиб издошларни етказиб беришдан иборат.

Илҳом РАҲМОНОВ тайёрлади

Рейтинг:    

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг