20 янв 07:24
Янгиликлар

Тадбирлар

“Спорти сев, спорт билан яша!”: Ёш шахматчилар баҳси эътиборимиз нигоҳида

Мамлакатимиз бўйлаб Президентимиз илгари сураётган соғлом турмуш тарзини янада кенг тарғиб қилиш мақсадида ўтказилаётган “Спорти сев, спорт билан яша!” Республика оммавий спорт мусобақалари кўпчиликнинг катта қизиқишига сабаб бўлмоқда.

Буни пойтахтимиздаги 144-мактабда бўлиб шахмат мусобақасидан ҳам билиб олиш мумкин.

Яккасарой туманида жойлашган ушбу мактабда ўқувчилар билан биргаликда маҳалла аҳолисининг 7 ёшдан 70 ёшгача бўлган вакиллари шахмат партиясида дона суриш учун жам бўлишди. Швейцарча тизимда ўтган беллашувлар қизиқарли ва муросасиз баҳсларга бой бўлди. Регламентга кўра, унда ғалаба қозонган ёшлар мусобақанинг кейинги босқичига йўл олишди.