30 авг 13:57
Янгиликлар

Бокс/ММА

Статистикага кўра Хргович жанг тўхтатилган вақтда Итаумага ютқазаётганди

Хорватиялик 34 ёшли супероғир вазн тоифаси вакили Филип Хргович Лондонда британиялик 21 ёшли Мозес Итаума устидан шов-шувли ғалабага эришди.

Хргович тўққизинчи раундда техник нокаут эвазига истеъдодли рақибини мағлубиятга учратди. У супероғир вазн тоифасида вакант бўлиб турган IBF чемпионлик камарини қўлга киритди.

Compubox порталидаги якуний зарбалар статистикаси маълумотларига кўра, жанг тўхтатилган вақтда Мозес барча асосий рақамли кўрсаткичлар бўйича олдинда эди.

Британиялик аниқ зарбалар сони (163-90), жеблар (39-26) ва айниқса кучли зарбалар (124-64) бўйича устунликка эга бўлиб турганди.

Хрговичнинг навбатдаги рақиби кубалик Фрэнк Санчес бўлиши кутилмоқда.