Стерлинг Лондон клубига ўтиши мумкин

Футболчи жамоадаги ҳолатидан норози, сабаби Қатардаги ЖЧ-2022 олдидан мунтазам ўйин амалиётига эга бўлишни хоҳламоқда. Клубга Хулиан Альварес ва Эрлинг Холанднинг келиши унинг ҳолатини қийинлаштиради.

"Шаҳарликлар" ўйинчини 60 млн еврога қўйиб юборишга тайёрлар, Стерлингнинг ўзи шахсан Лондон клуби бош мураббийи Томас Тухелдан асосий таркиб учун жой кафолатлансагина "Челси"га ўтишга рози.

Стерлинг ўтган мавсум "Манчестер Сити" таркибида барча мусобақаларда 47та ўйинда майдонга тушиб, 17та гол ва 9та ассист қайд этди. Ҳужумчининг клуб билан шартномаси 2023 йилнинг 30 июнига қадар мўлжалланган.