Стол тенниси юлдузлари: Еттита олимпия ўйинларида иштирок этган Зоран Приморац

Бугун етти карра ёзги олимпия ўйинларида узлуксиз қатнашган Зоран Приморац ҳақида фикр юритамиз. Зоран 1969 йилнинг 10 май куни Собиқ Югославиянинг Задар шаҳрида дунёга келади. Приморац ёшлигидан стол теннисига меҳр қўяди ва 7 ёшидан пинг понг билан шуғулланишни бошлайди. Фаолияти давомида кўплаб халқаро турнирларда , хусусан саккиз марта “ITTF World Tour” турнирнинг бош совринига эга чиқади. Шунингдек, Приморац еттита олимпия ўйинларида узлуксиз қатнашишга эришади. Бундай натижага стол тенниси тарихида атиги 3 нафар спортчи эришган. Фаолиятини 2012 йилда якунлайди. Ҳозирда Халқаро стол тенниси федерациясининг ижро қўмитасида фаолиятини давом эттирмоқда.

Эришган ютуқлари:

Олимпия ўйинларининг вице-чемпиони
Европа чемпиони
Жаҳон чемпионатининг вице-чемпиони
Жаҳон кубоги соҳиби

Ўзбекистон стол тенниси федерацияси матбуот хизмати