Стриклэнд Нганнунинг UFC'дан кетиш қарорини қўллаб-қувватлади

Ўрта вазн тоифасида америкалик UFC жангчиси Шон Стриклэнд (26-5) оғир вазн тоифасида лиганинг камерунлик собиқ чемпиони Фрэнсис Нганнунинг (17-3) UFC'дан кетиш қарорига муносабат билдирди.

"Мен Фрэнсиснинг бу қарорини ҳурмат қиламан. У: "Мен ўз брендимга эга бўлишни хоҳлайман, гап пулда эмас", - деди. Мен бундай позицияни ҳурмат қиламан. Мен буни ҳеч қачон қила олмайман, менга пул керак. Мен сенга исмимни айтавераман, менга барибир. У ўзи ишонган нарса учун ҳаракат қилди. Мен бундай қила олмайман", - деди Шон MMA Fighting нашри билан интервьюда.

Маълумот учун, Фрэнсис Нганну январь ойи бошида UFC промоушени билан янги шартнома бўйича келишувга эриша олмади ва ташкилотдан кетди. Унинг оғир вазндаги чемпионлик камари эса вакант бўлиб қолди ва мазкур чемпионлик камари учун эндиликда франциялик Сирил Ган (11-1) ва америкалик Жон Жонс (26-1) курашадиган бўлди.