15 июл 10:47
Янгиликлар

Теннис

Су-Вей ва Стрикова Уимблдон жуфтлигида ғолиб бўлишди

Буюк Британиянинг Лондон шаҳрида икки ҳафта давомида ўтказилган "Катта Дубулға" туркумига кирувчи Уимблдон турнири якунланди.

Аёллар ўртасидаги жуфтлик баҳсларида Хитой Тайпейи вакиласи Се Су-Вей ҳамда чехиялик Барбора Стрикова бош соврин соҳибасига айланишди. Улар 1 соату 6 дақиқа давом этган финал учрашувида канадалик Габриэла Дабровски ҳамда хитойлик И-Фань Сюни таслим этишди - 6/2, 6/4.

Су-Вей фаолиятида учинчи маротаба “Катта Дубулға” турнирида бош совринга эга чиқди. Стрикова эса илк бор нуфузли совринни қўлга киритди. Уимблдон турниридаги чемпионлик теннисчиларга 540 000 фунт стерлинг мукофот пули ҳамда 2000 рейтинг очкосини тақдим этди. Бугун эълон қилинган янги жуфтлик рейтингида Стрикова биринчи ракеткага айланди.