27 окт 17:32
Янгиликлар

Теннис

Султонов биринчи ракеткага муносиб қаршилик кўрсатди

Франциянинг Саргемин шаҳрида теннис бўйича M25 туркумидаги турнир давом этмоқда.

M25 тоифасига кирувчи ушбу мусобақада ҳамюртимиз Ҳумоюн Султонов ҳам иштирок этди. Мамлакатимизнинг биринчи ракеткаси 1/16 финалда германиялик Якоб Шнайттерни 3/6, 6/4, 7/5, 1/8 финалда яна бир олмон теннисчиси Янник Опицни 7/5, 6/2 ҳисобида мағлубиятга учратди.

Афсуски, ярим финал йўлланмаси учун кечган баҳсда турнирнинг биринчи ракеткаси, франциялик Дэн Эддедга 5/7, 4/6 ҳисобида имкониятни бой бериб қўйди. Энди у бор эътиборини жуфтликдаги иштирокига қаратади.

Таққослаш учун, турнирда бешинчи рақам остида таснифланган Ҳумоюн айни пайтда дунёнинг 429-ракеткаси бўлиб турибди. Эддед эса ATP рейтингида 285-ўринни банд этган.