Султонов Накхонситхаммаратда 1/4 финалга чиқди

Ушбу мусобақада ҳамюртимиз Ҳумоюн Султонов биринчи рақам остида таснифланган. Мамлакатимизнинг биринчи ракеткаси бироз аввал якунига етган 1/8 финал учрашувида япониялик Рётаро Тагучини 6/3, 6/4 ҳисобларида мағлубиятга учратди. Бу теннисчиларнинг ўзаро ўтказган илк учрашуви эди.  

Таққослаш учун, Султонов ATP рейтингида 433-ўринни эгаллаб турибди. Тагучи эса рейтингга эга эмас. У илк босқичда дунёнинг 834-ракеткаси бўлиб турган франциялик Франсуа Мусителлидан устун келганди - 6/4, 6/4. Султоновнинг чорак финалдаги рақиби Австралия ва Таиланд давлати теннисчиларининг учрашувидан сўнг аниқ бўлади.