16 апр 13:48
Янгиликлар

Теннис

Султонов ўзидан 627 поғона юқоридаги рақибга қарши кортга чиқди

Хитойнинг Унинг шаҳрида "Челленжер" туркумига кирувчи, мукофот жамғармаси 63 000 долларни ташкил этувчи турнир давом этмоқда.

Ҳамюртимиз Ҳумоюн Султонов саралашнинг ҳар икки учрашувида ATP рейтингида ўзидан сезиларли даражада юқорида бораётган рақибларини мағлубиятга учратиб, асосий тўрга йўлланма олганди. У 1/16 финалда асосий тўрга имтиёзли равишда қўйилган хитойлик Аоран Вангни 6/3, 7/6(4) ҳисобида устун келди.

Афсуски, мамлакатимизнинг иккинчи ракеткаси бугун 1/8 финалда хитойлик Сун Фажингга 4/6, 2/6 ҳисобида имкониятни бой бериб қўйди. Чин юрти вакили турнирда учинчи рақам остида таснифланган эди. Бу теннисчиларнинг ўзаро ўтказган илк учрашуви бўлди. Фажин 5, Ҳумоюн 4 та эйс зарбасини амалга оширди. Қўшхатолар иккала теннисчида ҳам биттадан бўлди.

Таққослаш учун, Султонов ATP рейтингида 871, Фажинг 244-ўринни эгаллаб турибди.