07 фев 13:26
Янгиликлар

Футбол

Суперлига ва ПРО-лигада бадал пуллари оширилди

ПФЛ янги мавсум учун регламентда клубларнинг Суперлига ва ПРО-лигада иштирок этиш учун тўланадиган бадал пуллар миқдорини маълум қилди.

"2019 йилги мавсум учун Суперлигада иштирок этишнинг бадали умумий 600 000 000 сўмни ташкил қилади. Бунда жамоанинг аёллар ҳамда футзал клублари томонидан тўланиши керак бўлган бадал пули ҳам қўшиб ҳисобланган", - деб ёзилади янги мавсум регламентида.

Маълумот учун, 2018 йил учун Суперлигада иштирок этиш учун бадал пули 500 000 000 сўмни ташкил этган эди.

Бундан ташқари қуйи лига бадал пуллари энди турлича бўлади.

"2019 йилги мавсумда Про-лига “А”да иштирок этиш учун бадал 250 000 000 сўмни ташкил қилади. Бунда жамоанинг аёллар ҳамда футзал клублари томонидан тўланиши керак бўлган бадал пули ҳам қўшиб ҳисобланган. Про-лига “В”да иштирок этиш учун ариза бадали 100 000 000 сўмни ташкил қилади", - деб ёзилган янги мавсум регламентида.

Маълумот учун, 2018 йил учун ПРО-лигада иштирок этиш учун умумий бадал пули 40 000 000 сўмни ташкил этган эди.