11 янв 08:45
Янгиликлар

Сув спорти турлари

Сув спорти турлари бўйича ЖЧда иштирок этадиган таркибимиз маълум. Таркибда икки нафар Европа чемпиони бор!

Жорий йилнинг 2-18 февраль кунлари Қатар пойтахти Дохада сув спорти турлари бўйича Жаҳон чемпионати ўтказилади.

Мусобақада Ўзбекистон терма жамоаси аъзолари ҳам иштирок этади.

Куни кеча Ўзбекистон сузиш федерацияси Қатардаги ЖЧда қатнашадиган таркибимизни эълон қилди. Аҳамиятлиси, таркибдан сузиш бўйича ўсмирлар ўртасида Европа чемпиони Илья Сибирцев ҳамда сувга сакраш бўйича ўсмирлар ўртасида Европа чемпиони Вьячеслав Качанов, шунингдек, Квангжу Универсиадаси ғолиби Игорь Мялин ҳам ўрин олди.

Сузиш: Элдор Усмонов, Илья Сибирцев

Сувга сакраш: Игорь Мьялин, Вьячеслав Качанов

Синхрон сузиш: Зиёда Тошхўжаева, Диана Онкес, Анна Вашенко.