22 мар 19:13
Янгиликлар

Сув спорти турлари

Сувга сакраш бўйича МОҚ соврини учун Ўзбекистон чемпионати бўлиб ўтмоқда

Кеча пойтахтимиздаги "Саҳоват Спорт сервис" спорт мажмуасида сувга сакраш бўйича Миллий олимпия қўмитаси соврини учун мусобақа старт олди.

Мазкур мусобақа Ўзбекистон Миллий Олимпия Қўмитаси ҳамда Жисмоний тарбия ва спорт вазирлиги томонидан ташкиллаштирилган бўлиб, у жорий йилнинг август ойида Жакарта (Индонезия) шаҳрида бўлиб ўтадиган Осиё ўйинларига спортчиларни саралаш вазифасини ўтайди.

Ушбу мусобақада Тошкент шаҳри, Андижон, Наманган, Жизах, Самарқанд ва Тошкент вилоятларидан жаъми 98 нафар спортчи иштирок этишмоқда.

Эслатиб ўтамиз, Индонезиядаги Осиё ўйинларида сувга сакраш бўйича Ўзбекистон жамоаси жуфтлик (микст) дастурларида қатнашишни режалаштирилган.