Сувга сакраш бўйича халқаро ўқув-машғулот йиғини якунланди

Йиғинда вакилларимиз Россия ёшлар терма жамоаси билан биргаликда шуғулланишди. Машғулотлар давомида спортчиларимиз ўз ҳаракатлари, дастурларини мукаммаллаштириш бўйича иш олиб боришди, янги машқлар, элементларни ўзлаштиришди. Хусусан, Достон Ботиров 2 та янги ҳаракатни ўрганди ва ўз дастурининг мураккаблик даражасини оширишга эришди. У энди 2020 йил Токиода бўлиб ўтадиган навбатдаги Олимпия ўйинларига йўлланма берувчи жаҳон чемпионати ва кубоги баҳсларида айнан шу дастур билан муносиб қатнашишни мақсад қилган. 

Шунингдек, Достон Ботир Хасанов билан бирга Бутунжаҳон универсиадасида ҳам иштирок этади. Йиғинда қатнашган бошқа спортчилар эса олдинда турган, Ҳиндистоннинг Ҳайдаробод шаҳрида ташкил этиладиган Осиё чемпионати учун тайёрланаётган дастурни мукаммал ҳолатга келтиришга ҳаракат қилишди. Умуман олганда, мазкур халқаро ўқув-машғулот йиғини терма жамоамиз учун жуда фойдали кечди.