Сӯхлик 83 ёшли отахон пиёда 5 километр масофани юриб ўтди

Пурвиқор тоғлар бағрида жойлашган Фарғона вилоятининг Сӯх туманида «Соғлом ҳаёт сари 5 000 қадам» акцияси бӯлиб ӯтди. Тадбирда тумандаги барча секторлар раҳбарлари «шахсий намуна» кўрсатишди ва пиёда юришди.

Ушбу акцияда ёшлар ва ҳарбийлар билан бир қаторда тумандаги Ҳазрати Али маҳалласида истиқомат қилувчи 83 ёшли пири бадавлат отахон Аминжон Ҳакимов ҳам иштирок этди. Эътиборлиси, акция «Соғлом ҳаёт учун 5 000 қадам» деб номланган бўлсада, аслида стартдан финишгача бўлган масофа 5 кмни ташкил этганди. Отахон ушбу масофага қийналмасдан, пиёда юриб келди.

«Бирор жойим оғримайди, соғлигимдан шикоятим йўқ. Ҳамон жисмоний меҳнат билан шуғулланиб тураман. Шу боис саломатлигим мустаҳкам», - деди отахон ўз фикрлари билан ўртоқлашаркан.

Маҳалла ишларида фаоллик кӯрсатиб келаётган отахон акция якунида туман ҳокимлиги томонидан махсус совға билан тақдирланди.