16 сен 14:13
Янгиликлар

Таэквондо

Светлана Осипова: "Медалимни ота-онамга бағишлайман!"

Ўзбекистонлик таэквондочи Светлана Осипова Чибада ўтган Жаҳон Гран-присининг биринчи кунида иштирок этиб бронза медалига эга чиқди.

Ўзбекистон таэквондо WT ассоциацияси матбуот хизмати спортчимиз билан суҳбатлашди.

"Биласизми бу спортга кириб келганимда биринчи эшитган таэквондочим бу Милица Мандич эди. У 2012 йил Лондонда ўтган Олимпиадада олтин медалн қўлга киритганди. Мандичга қарши жанг қилишни ва тажрибага эга бўлишни орзу қилардим. У билан жанг жуда кескин ўтди, шукурки уни мағлуб эта олдим.

Ярим финалда эса 2016 йилги Олимпиада чемпиони билан тўқнаш келдим. Хитойлик спортчининг бўйи мендан анча баланд бўлгани учун жуда ҳам ноқулай рақиб эди. Унга яқинлашиш қийин бўлди.

Чибада қўлга киритган бронза медалимни ота-онамга бағишлайман. Кейинги мусобақаларда олтин медалларни қўлга киритиш учун бор кучимни ишга соламан", - деди Светлана Осипова.