Таэквондо бўйича терма жамоамиз "WT President's Cup Asian Region"ни 8 та медаль билан якунлади

Кун давомида эркаклар ўртасида -54 кг, -58 кг, -63 кг, -68 кг, аёллар ўртасида эса -62 кг, -67 кг, -73 кг, ҳамда +73 кг вазн тоифаларидаги баҳслар ўтказилди.

Миллий терма жамоамизнинг 12 нафар таеквондочиси даянгга кўтарилган куннинг якунида вакилларимиз 2 та олтин ва 1 та бронза, жами 3 та медалга эга чиқишди. Жумладан, Жаҳонгир Худойбердиев ҳал қилувчи беллашувда мезбон юрт вакили Жиачаи Қиангдан, Озода Собиржонова Корея Республикаси вакиласи Мин Жу Квакдан устун келди.

Олтин:

Жаҳонгир Худойбердиев (-54 кг)

Озода Собиржонова (-67 кг).

Бронза:

Светлана Осипова (+73 кг).

Эслатиб ўтиш жоиз, 23 апрель куни турнирнинг илк куни доирасида 5 та медални (2 та олтин, 1 та кумуш ва 2 та бронза) қўлга киритгандик. Шу тариқа, мазкур мусобақани 4 та олтин, 1 та кумуш ва 3 та бронза, жами 8 та медаль билан якунлайдиган бўлдик.