Таэквондо. Феруза кучли рақибасини мағлуб этди, Максимда мағлубият, бироздан сўнг Шокин жанг қилади

Манчестер шаҳрида таэквондо бўйича давом этаётган жаҳон чемпионатида -62 кг вазн тоифасида юртимиз шарафини Феруза Содиқова ҳимоя қилди. У биринчи босқичда иорданиялик Натали Ҳамаидига қарши даянга чиқди ва 18:3 ҳисобида ғалаба қозонди. 

15 дақиқалик танаффус орқалиғи билан иккита жанг ўтказган -87 кг вазнли спортчимиз Максим Рафалович иккинчи босқичда россиялик рақибига 2:6 ҳисобида имкониятни бой бериб қўйди. Биринчи жангида у тринидадлик рақибини катта устунлик билан мағлуб этганди. 

Бироздан сўнг +87 кг вазн тоифасида Дмитрий Шокин баҳсларга киришади. У илк босқичда грециялик Атанасиос Николаидисга қарши жанг қилади.