Таэквондо ИТФ бўйича онлайн Ўзбекистон чемпионати бўлиб ўтди

Жисмоний тарбия ва спорт вазирлиги ҳамда Ўзбекистон таэквондо ИТФ миллий ассоциацияси ташаббуси билан ўтказилган ушбу мусобақада минг нафардан зиёд спортчилар ғолиблик учун кураш олиб боришди.

Мусобақани ўтказишдан кўзланган асосий мақсад таэквондо ИТФ бўйича профессионал равишда шуғулланаётган спортчиларимизнинг жисмоний тайёргарликларини ошириш ва иқтидорли спортчиларни терма жамоа учун саралаш вазифасини ўтаб берди.

Чемпионат якунларига кўра, ғолиб ва совриндор деб топилган спортчилар Жисмоний тарбия ва спорт вазирлиги дипломи ва эсдалик совғалари билан тақдирланди.

Умум жамоа ҳисобида Бухоро вилояти 1-ўринни эгаллаган бўлса, Тошкент вилояти жамоаси 2-ўринга муносиб кўрилди ва 3-ўрин Тошкент шаҳри ҳамда 4-ўрин Сирдарё вилояти спортчиларига насиб этди.