Таэквондо ITF: Ўзбекистон чемпионатида ғолиб ва совриндорлар аниқланди

Ушбу мусобақа Ўзбекистон Республикаси давлат мустақиллигининг 31 йиллигига бағишлаб “Янги Ўзбекистонда эл азиз, инсон азиз” шиори остида ташкил этилди. Мусобақага Фарғона шаҳридаги “Само” кўп тармоқли спорт мажмуаси мезбонлик қилди.

Мамлакат чемпионатида ўсмирлар ва ёшлар таэквондо ITFнинг шахсий массоги йўналиши бўйича ўзаро баҳслашди. Мусобақада республикамизнинг барча ҳудудларидан йиғилган 1 300 нафардан ортиқ спортчи ғолиблик учун даянга чиқди.

Қизғин ва муросасиз кечган мусобақада умумжамоа ҳисобида ғолиб ва совриндор бўлган жамоалар билан танишинг:

1. Тошкент вилояти

2. Бухоро вилояти

3. Наманган вилояти

Спорт мактаблари ўртасидаги Ўзбекистон чемпионатида турли ёш тоифалари бўйича терма жамоа аъзолари яна бир бор кўрикдан ўтказилиб, энг муносиблар шу йил 4-9-октябрь кунлари Аргентинада бўлиб ўтадиган Жаҳон кубоги ҳамда 23-26-декабрь кунлари АҚШнинг Флорида штатида бўлиб ўтадиган халқаро турнирга саралаб олинди.