Таэквондо ITF. Спортчиларимиз жаҳон чемпионатида шохсупага кўтарилишда давом этишяпти ФОТОГАЛЕРЕЯ

Дунёнинг 96 давлатидан 2640 нафар қатнашчи даянга чиқаётган йилнинг ушбу нуфузли мусобақасида Ўзбекистон терма жамоаси спортчилари ҳам қатнашишяпти. Айни дақиқаларда жаҳон чемпионатининг сўнгги куни олти нафар таэквондочимиз 50 та давлат спортчилари қатнашадиган жамоавий спарринг баҳсларида ўз маҳоратларини намойиш этишмоқда. 

Ундан аввалроқ эса уч нафар спортчимиз жаҳон чемпионатининг совриндорлари сафидан жой олишди. 18-39 ёшилар баҳсида даянга чиққан юртдошимиз Шохруҳ Отажонов 64 кг вазн тоифасида финалга қадар етиб бориб, кумуш медал соҳибига айланди. 

Худди шу ёш тоифасининг 52 кг вазнли спортчилар мусобақасида юртимиз шарафини ҳимоя қилган Валижон Худойбердиев ҳамда 85 кг вазн тоифасида ўз имкониятини синовдан ўтказган Беҳруз Саидов бронза медалини қўлга киритди. 

Маълумот учун, таэквондо бўйича жаҳон чемпионати бугун якунланади. Лазиз Ҳасанов ва Абдулҳаким Шаубаев бошчилигидаги Ўзбекистон таэквондо ИТФ Миллий Ассоциацияси спортчилари 1 сентябрь куни Тошкентга кайтишади.