Таэквондо. Шокин ва Ражабов Хитойдаги турнир чорак финалида ўзаро тўқнаш келишади

Мусобақанинг дастлабки кунида беш нафар спортчимиз иштирок этмоқда. 

+80 кг вазн тоифасида Шоҳруҳ Ражабов  мусобақани нимчорак финалдан бошлади. Унга хитойлик Жианг Зихао рақиблик қилди. Катта устунликка эга бўлган Ражабов 17:4 ҳисобида зафар қучди ва чорак финалга чиқди. 

+80 кг вазн тоифасида Дмитрий Шокин бу мусобақада 1-тартиб рақамда сараланган. Ҳамюртимиз нимчорак финалда Чен Мингни мағлуб этган Шокин энди чорак финалда Шоҳруҳ Ражабовга қарши даянга чиқади. 

-49 кг вазн тоифасида ўзбекистонлик Мадинабону Маннопова 1/16 финалда хитойлик Йе Сиаотинг билан тўқнаш келди ва 15:0 ҳисобида ғалаба қозониб нимчорак финалга йўл олди. Афсуски бу босқичда тайпеилик Хунг Ю Тингга имконият бой берилди.  

-57 кг вазн тоифасида Чарос Қаюмова нимчорак финалда Ли Жиага қарши жанг қилди ва ғалабага эришди. Кейинги баҳсда эса Қаюмова эронлик Косар Асасеҳга имконият бой берилди.

Ўзбекистон таэквондо WT ассоциацияси матбуот хизмати