Таэквондо. "Уси Катта дубулға" турнири учун саралаш мусобақасининг илк кунида Озода Собиржонова йўлланмага эга чиқди

Кун давомида эркаклар -68 кг, +80 кг вазн тоифаларида, аёллар эса -49 ҳамда -67 кг вазн тоифаларида баҳс олиб бормоқда.

Аввал, маълум қилганимиздек, -67 кг вазн тоифасида терма жамоамиз шарафини Феруза Содиқова ҳамда Озода Собиржонова ҳимоя қилди. Содиқова ўзининг илк жангида Халқаро нейтрал спортчи Валерия Скапровскани, Собиржонова эса хитойлик Хуан Дангни мағлуб этди. Нимчорак финал босқичида эса, қуръа туфайли спортчиларимиз ўзаро тўқнаш келишди. Мураббийлар штаби қарорига кўра, Собиржонова кейинги босқичга йўл олди. Чорак финалда Озода британиялик Алия Повеллга имкониятни бой берганига қарамай, "Уси Катта дубулға" турнири финал босқичига йўл олди.

Маълумот ўрнида, Феруза Содиқова ҳамда +80 кг вазн тоифасида терма жамоамиз аъзоси Никита Рафалович мусобақанинг ҳал қилувчи босқичига тўгридан-тўгри йўлланма олган.