Таэквондо WTF. Жаҳон чемпионати совриндорлари муносиб кутиб олинди

Қувонарлиси, мазкур нуфузли мусобакаларда кураш олиб борган Улуғбек Рашидов -48кг вазн тоифасида олтин медаль соҳибига айланиб, Буэнос-Айресда бўлиб ўтадиган ўсмирлар ўртасидаги Олимпия ўйинларига йўлланма қўлга киритди.

Улуғбек шунингдек, жаҳон чемпионатида бронза медали соҳибига айланди. Қолаверса, Амирбек Тўраев (-45кг) ва Озода Собиржонова (-52кг)лар жахон чемпионатининг кумуш медали билан юртимизга қайтишди.  

Бугун тонг сахарда ушбу нуфузли мусобақаларда иштирок этган ёш спортчиларимиз ва уларнинг мураббийлари юртимизга қайтиб келишди. Ислом Каримов номидаги Тошкент халқаро аэропортида улар тантанали кутиб олинди.

Таъкидлаб ўтиш лозимки, мамлакатимизда спорт соҳасида амалга оширилаётган ислоҳотлар ўз самарасини бера бошлади. Ишонамизки, бу фақат бошланиши. Бизни олдинда бу йил Индонезияда бўлиб ўтадиган Осиё ўйинлари, шунингдек, Аргентина мезбонлик қиладиган ўсмирлар ўртасидаги Олимпия ўйинлари кутиб турибди.