Таэквондочиларимиз "Фужайра Опен"дан 16та медал билан қайтишди ФОТО

"Фужайра Опен" мусобақаси G1 тоифасига мансуб бўлиб, муҳим рейтинг очколарини бериши билан аҳамиятлидир. Турнир ўсмирлар, ёшлар ва катталар ўртасида ташкил этилди. 

Ушбу халқаро мусобақада Акмал Эргашев, Собир Назаралиев ва Жасур Бойқўзиев мураббийлигидаги таэквондочиларимиз даянга чиқишди. Якунда ҳамюртларимиз томонидан жами 16та медал қўлга киритилди. Шулардан 10таси олтин медаллардир. 

Ўз вазн тоифаларида Азиз Ўктамов (-48 кг), Камрон Тоҳиров (-51 кг), ўсмирлар Олимпиадаси кумуш медали совриндори Улуғбек Рашидов (-55 кг), Равшан Икромов (-59 кг), Абдулазиз Ҳамидуллаев (-63 кг), Озода Собиржонова (-65 кг), Мадина Шониёзова (-33 кг), Зафар Каримов (-45 кг), Муҳаммадамин Алиев (-37 кг) барча рақибларини мағлуб этиб, олтин медални қўлга киритишди. 

Шахзод Сайфиев (-54 кг), Сухроб Бобобеков (-58 кг), Нурлан Бойхўжаев (-41 кг), Диёра Имомалиева (-37 кг) кумуш, Лайло Зайниддинова (-41 кг) бронза медали билан тақдирланди. Кеча куннинг иккинчи ярмида терма жамоамиз делегацияси БААдан юртимизга қайтиб келди.